باغ سرداراں کے مندر ~ پوٹھوہار نامہ

باغ سرداراں کے مندر ۔۔۔۔ میرے والد صاحب مرحوم پولیس میں تھے ہم باغ سرداراں میں رہتے تھے ۔۔۔ بہت خوبصورت باغ تھا
قسم قسم کے درخت لگے ہوئے تھے ۔۔۔ ایک بہت بڑا تالاب تھا جس میں شاید ہندو یا سکھ لوگ نہایا کرتے تھے ۔۔۔ بارش کے بعد اس میں بہت سا پانی جمع ہو جاتا تھا تو ہم بھی نہایا کرتے تھے ۔۔۔۔ تالاب کے قریب ہی سردار سوجان سنگھ کا مقبرہ تھا ۔۔۔ وہاں بہت ہی خوبصورت سنگ مرمر لگا ہوا تھا اور خوبصورت جنگلا تھا ۔۔۔ ایک جنگلا سارے باغ کے گرد لگا ہوا تھا ۔۔۔ اب سردار سوجان سنگھ کے مقبرے میں کوئی سنگ مرمر کوئی جنگلا نہیں ہے ۔۔۔ نامعلوم افراد یہ جنگلا یہ سنگ مرمر حتی کہ مقبرے کا دروازہ بھی اکھاڑ کر لے گئے ہیں ۔۔۔ باغ کے گرد لگا ہوا مضبوط جنگلا بھی سارے کا سارا کوئی اکھاڑ کر بیچ گیا ہے ۔۔۔۔ اتنی کھلی جگہ تھی یہ ساری بیچ دی گئی ہے ۔۔۔ ہم سن 1971 میں یہاں پر مورچے کھودا کرتے تھے ۔۔۔ شہتوت اور جامن کے بہت خوبصورت درخت تھے پیپل کے درخت اور شیشم کے درخت بھی بے شمار تھے نایاب قسم کے درخت بھی بہت سے تھے جن میں بِل کا درخت بھی شامل تھا

اب تصور میں پرانے باغ کو دیکھتے ہیں اور اج کل اس کی حالت دیکھتے ہیں ۔۔۔ تو دل سے بے اختیار آہ نکلتی ہے ۔۔۔ ہمارے پاکستانی بہت ہی ظالم ہیں ۔۔۔ بہت ہی لالچی ہیں ۔۔۔ اپنے ذرا سے فائدے کے لیے خوبصورت چیزوں کو تہس نہس کر دیتے ہیں

شمشاد خان کی یہ تحریر فیس بک سے لی گئی ہے

اردو بلاگرز کے لئے خوشخبری

تھیم عموما انگلش زبان میں ہی ہوتے ہیں جب کوئی قوم ترقی کرتی ہے تو اسکی زبان بھی ترقی کر جاتی ہے اہل یورپ کی جدیدٹیکنالوجی کی رسائی نے باقی دنیا کو بہت پیچھے چھوڑ دیااورانٹرنیٹ کےموجد ہونے کے ناطے سے کمپیوٹر کو انگریزی زبان کے جانے بغیر نہیں سیکھا نہیں جا سکتا۔خیر میں کچھ دوسری طرف نکل آیا اب جب تھیم اردو زبان میں موجود ہی نہیں ہیں یا ہیں تو ایک بلاگر کے معیار کےہی نہیں ہیں تو بلاگر حضرات مایوس ہو کر پیچھے ہٹ جاتے ہیں پھر بھی بعض احباب نے ہمت نہیں ہاری تو انکو جیسے تیسے ملے انہوں نےاس پر طبع آزمائی کی۔اب یہ مشکل رابطہ فاؤنڈیشن نے بالکل آسان کر دی ہے۔

بلاگ کیا ہے

بلاگ انگریزی زبان کا لفظ ہے جو ویب اورلاگ (web ang log) سے مل کر بنا ہے جس میں عمومی طور پر معلومات کو ایک ترتیب سے رکھا جاتا ہے۔دوسرے لفظوں میں آپ اپنی معلومات جو دوسروں تک پہنچاتے ہیں اسے بلاگ کہا جاتا ہے۔اس دورمیں کوئی ایسا شعبہ ہائے زندگی نہیں ہو گا جس پر بلاگنگ نہ کی جاتی ہو۔اگر دیکھا جائے توباقی دنیا کے مقابلے میں اردو دان طبقہ بلاگنگ میں بہت پیچھے رہ گیا ہے

کیا بلاگ بنا کر پیسہ کمایا جا سکتا ہے؟

اب آتے ہیں اس بلاگ سے کیا فائدہ اٹھایا جا سکتا ہے:۱۔ بلاگ سے آپ اپنی تحریریں ،مضمون کتب وغیرہ کی فری میں اشاعت کر سکتے ہیں۔۲۔ اگر آپکے پاس علم کا کوئی ذخیرہ ہے تو اپنا علم دوسروں تک پہنچا سکتے ہیں۔ ۳۔ہمارے بہت سے احباب فیس بک پر لکھتے ہٰیں جو کہ ایک اچھی بات ہے مگر اس سے اچھی بات یہ کہ آپ اپنا گوگل پر بلاگ بنوائیں کیونکہ فیس بک کا کچھ بھروسہ نہیں کہ کب وہ کب آپ پر قدغن لگا دے۔ جبکہ بلاگ پر آپکی تحریریں محفوظ رہتی ہیں۔ ۴۔آپ اپنی تحریروں کی بدولت ایڈ سینس کے ذریعے پیسہ بھی کما سکتے ہیں کیونکہ گوگل آپ کے بلاگ پر اشتہار لگائیں گا اور نتیجتہ آپ کو ارننگ ہوگی ۔

کوئی تبصرے نہیں:

ایک تبصرہ شائع کریں

علمی وفکری اختلاف آپ کا حق ہے۔ بلاگ پر تمام خدمات بلا اجرت فی سبیل اللہ ہیں بس آپ سے اتنی گزارش ہے کہ بلاگ کو زیادہ سے زیادہ شئیر ،کمنٹس اور لائیک کریں ۔آپ اپنی پسندیدہ کتاب کی فرمائش کر سکتے ہیں۔اگر کسی کتاب کو ڈون لوڈ کرنے میں پریشانی ہو تو آپ کمنٹس میں لکھ دیجئے ان شاء اللہ اسکا لنک درست کر دیا جائے گا

پوٹھوہار نامہ