فوجی راج کے پہلے دس سال ~ پوٹھوہار نامہ

الطاف گوہر لکھتے کہ

۱۹۶۵ء کی جنگ کے اسباب کچھ بھی ہوں، اس امر سے انکار ممکن نہیں کہ اس کے نتائج پاکستان کے لئے غیر معمولی طور پر نقصان دہ اور ایوب خان کے لئے تباہ کن ثابت ہوئے۔ ایوب خان سیاست دان نہیں تھے، چنانچہ یہ جاننے کے باوجود کہ آپریشن جبرالٹر کے معاملے میں انہیں گمراہ کیا گیا تھا، اور آپریشن کے بعض حقائق کے بارے میں ان کو جان بوجھ کر اندھیرے میں رکھا گیا تھا، انہوں نے اپنے کسی ساتھی کو قربانی کا بکرا بنانا مناسب نہ سمجھا۔ انہوں نے ناکامی کی تمام تر ذمہ داری خود قبول کرلی۔ وہ اپنی خامیوں پر پریشان ہوتے رہے مگر انہوں نے اپنی فوج یا وزارت خارجہ پر کوئی الزام نہ لگایا اور خود اپنے آپ کو قصور وار قرار دے دیا۔ پاکستانی فوج تو ایوب خان کی اپنی تخلیق تھی وہ کسی طرح اسے ناقص منصوبہ بندی اور سنگین کو تاہیوں کا مرتکب قرار دے سکتے تھے۔ ذوالفقار علی بھٹو نے جو ایوب خان کے وزیر خارجہ تھے، ان حالات سے فائدہ اٹھایا اور عوام اور فوج میں مقبولیت اور احترام حاصل کرنے کے لئے ایوب خان کے خلاف طرح طرح کی افواہیں پھیلانا شروع کردیں۔ اس کے بعد ایوب خان پھر نہ سنبھل سکے۔ یوں لگتا تھا جیسے وہ اپنا تمام تر اعتماد اور قوت فیصلہ کھوچکے ہوں، انہیں یہ پریشانی لاحق تھی کہ سرحدوں پر موجود پاکستان اور بھارت کی فوجوں میں دوبارہ جھڑپیں شروع نہ ہو جائیں۔ ایک طرف ان کے جرنیل جنگ ستمبر میں اپنی خود ساختہ فتوحات پر نازاں تھے اور اپنے اور اپنے ساتھیوں کے سینوں پر شجاعت کے تمنے آویزاں کر رہے تھے، دوسری طرف ان کا وزیر خارجہ بھارت کے خلاف جذباتی تقریروں کے ذریعے لوگوں کو بھڑکا رہا تھا۔ اقوام متحدہ کے زیر اہتمام ہونے والی فائر بندی کے بعد سوویت یونین کے توسط سے ایوب خان اور بھارتی وزیر اعظم لال بہادر شاستری کے در میان مذاکرات کا آغاز ہوا۔ مذاکرات کے اختتام پر اعلان تاشقند پر اتفاق رائے ہو گیا جس میں دونوں ملکوں نے اپنے اختلافات کو حل کرنے میں طاقت کے استعمال سے گریز کرنے کا معاہدہ کر لیا۔

اقتباس : جنرل ایوب فوجی راج کے پہلے دس سال

اردو بلاگرز کے لئے خوشخبری

تھیم عموما انگلش زبان میں ہی ہوتے ہیں جب کوئی قوم ترقی کرتی ہے تو اسکی زبان بھی ترقی کر جاتی ہے اہل یورپ کی جدیدٹیکنالوجی کی رسائی نے باقی دنیا کو بہت پیچھے چھوڑ دیااورانٹرنیٹ کےموجد ہونے کے ناطے سے کمپیوٹر کو انگریزی زبان کے جانے بغیر نہیں سیکھا نہیں جا سکتا۔خیر میں کچھ دوسری طرف نکل آیا اب جب تھیم اردو زبان میں موجود ہی نہیں ہیں یا ہیں تو ایک بلاگر کے معیار کےہی نہیں ہیں تو بلاگر حضرات مایوس ہو کر پیچھے ہٹ جاتے ہیں پھر بھی بعض احباب نے ہمت نہیں ہاری تو انکو جیسے تیسے ملے انہوں نےاس پر طبع آزمائی کی۔اب یہ مشکل رابطہ فاؤنڈیشن نے بالکل آسان کر دی ہے۔

بلاگ کیا ہے

بلاگ انگریزی زبان کا لفظ ہے جو ویب اورلاگ (web ang log) سے مل کر بنا ہے جس میں عمومی طور پر معلومات کو ایک ترتیب سے رکھا جاتا ہے۔دوسرے لفظوں میں آپ اپنی معلومات جو دوسروں تک پہنچاتے ہیں اسے بلاگ کہا جاتا ہے۔اس دورمیں کوئی ایسا شعبہ ہائے زندگی نہیں ہو گا جس پر بلاگنگ نہ کی جاتی ہو۔اگر دیکھا جائے توباقی دنیا کے مقابلے میں اردو دان طبقہ بلاگنگ میں بہت پیچھے رہ گیا ہے

کیا بلاگ بنا کر پیسہ کمایا جا سکتا ہے؟

اب آتے ہیں اس بلاگ سے کیا فائدہ اٹھایا جا سکتا ہے:۱۔ بلاگ سے آپ اپنی تحریریں ،مضمون کتب وغیرہ کی فری میں اشاعت کر سکتے ہیں۔۲۔ اگر آپکے پاس علم کا کوئی ذخیرہ ہے تو اپنا علم دوسروں تک پہنچا سکتے ہیں۔ ۳۔ہمارے بہت سے احباب فیس بک پر لکھتے ہٰیں جو کہ ایک اچھی بات ہے مگر اس سے اچھی بات یہ کہ آپ اپنا گوگل پر بلاگ بنوائیں کیونکہ فیس بک کا کچھ بھروسہ نہیں کہ کب وہ کب آپ پر قدغن لگا دے۔ جبکہ بلاگ پر آپکی تحریریں محفوظ رہتی ہیں۔ ۴۔آپ اپنی تحریروں کی بدولت ایڈ سینس کے ذریعے پیسہ بھی کما سکتے ہیں کیونکہ گوگل آپ کے بلاگ پر اشتہار لگائیں گا اور نتیجتہ آپ کو ارننگ ہوگی ۔

کوئی تبصرے نہیں:

ایک تبصرہ شائع کریں

علمی وفکری اختلاف آپ کا حق ہے۔ بلاگ پر تمام خدمات بلا اجرت فی سبیل اللہ ہیں بس آپ سے اتنی گزارش ہے کہ بلاگ کو زیادہ سے زیادہ شئیر ،کمنٹس اور لائیک کریں ۔آپ اپنی پسندیدہ کتاب کی فرمائش کر سکتے ہیں۔اگر کسی کتاب کو ڈون لوڈ کرنے میں پریشانی ہو تو آپ کمنٹس میں لکھ دیجئے ان شاء اللہ اسکا لنک درست کر دیا جائے گا

پوٹھوہار نامہ